Comercio Xusto

A campaña XOGA LIMPO 2008 esixe que se pague aos traballadores que fabrican roupa deportiva un salario digno e suficiente que lles permita vivir con dignidade. Para protexer as propostas de Xoga Limpo 2008 envía a carta que che apresentamos a continuación ás marcas deportivas líderes no mercado. A mensaxe chegará tanto ás multinacionais como ás fábricas que subministran a estas grandes compañías. A día de hoxe, aínda ningunha das empresas se ten comprometido ao pago de salarios dignos.

ACTUA, ASINA AQUÍ !

Tadesse Meskela é o fundador e Director Xeral da Oromia Coffee Farmers Co-operative Union , unha cooperativa de segundo grao que agrupa 129 asociacións de caficultores e máis de 130.000 pequenos produtores de café da rexión de Oromia, ao sur de Etiopía, país recoñecido como o berce do café. A película Blackgold deu a coñecer ao mundo a Cooperativa que dirixe Tadesse e a complexa realidade da cadea de produción e distribución do café.

 

Entrevista completa.

Durante cinco días, membros de FOE (Friends of the Earth) de Ghana, Togo, Sierra Leona, Sudáfrica, Nixeria, Mauricio, Túnez e Swazilandia, se reuniron en Accra, Ghana, para discutir e revisar os temas que conciernen ao medio ambiente en África. Un tema clave foi a actual crise dos alimentos e os agrocombustibles no continente africano.

 

Da xuntanza saiu unha declaración sobre a "crise alimentaria" e un chamamento a todas as comunidades de África a mobilizarse, resistir e cambiar as tradicionais prácticas de servidume e explotación do continente. 

Os grupos africanos lamentan a caracterización de África como un continente crónicamente famento e rexeitan a proxección do continente como un emblema de pobreza e estancamento, e polo tanto, dependente de doazóns de alimentos. Friends of the Earth África reitera que a riqueza agrícola dos distintos países viuse reducida como consecuencia das políticas externas neoliberais, incluíndo os programas de axuste estrutural impostos no continente polo Banco Mundial, o FMI e outras institucións financeiras internacionais.

Porque as galegas e os galegos temos a nosa propia visión do mundo e a nosa problemática concreta dentro da globalización. Porque as galegas e os galegos queremos que o noso país sexa parte activa e solidaria dese mundo que loita por acadar xustiza social global. Porque cremos que podemos pensar e construir alternativas desde Galicia, porque cremos que si, que un outro mundo é posíble…

Asumimos a carta de principos do FSM facéndoa nosa, dándolle vida e forma coa realidade propia de Galicia, dos seus movementos sociais e da súa cidadanía e convocamos á participación no Foro Social Galego, que terá lugar os días 5, 6 e 7 de decembro de 2008 en Santiago de Compostela.

Tanto as persoas individuais como os colectivos interesados en participar no FSGal poden adherirse na páxina web www.forosocialgalego.org , na que irá aparecendo toda a información que vaia xurdindo sobre o mesmo.

En momentos en que o prezo da soia, principal cultivo de exportación de Arxentina, acada niveis record nos mercados internacionais, expertos en agricultura familiar e entidades ambientalistas alertan sobre o severo impacto social e ambiental do monocultivo.

Con máis da metade da terra cultivada hoxe no país, a oleaginosa expándese a expensas do millo, o trigo, os cítricos e a gandería, entre outras actividades agropecuarias. Este avance seguirá pese ao polémico incremento do imposto á exportación.<< Coa gran rendibilidade asegurada, quen vai querer producir trigo ou leite? >>, preguntouse Jorge Cappato da Fundación Proteger.

<< O modelo da soia considerarase o do "boom e colapso" como sucede coa pesca, a minería ou a explotación intensiva da madeira >>, advertiu Cappato. << Presiónase un ecosistema por encima da súa capacidade de carga para obter enormes ganancias a curto prazo á conta dos recursos >>, describiu.

Segundo datos oficiais, a pobreza en Arxentina afecta a 20,6 por cento das súas 38 millóns de habitantes. Pero na rexión nordés, onde a soia reina, o fenómeno aumenta a 37 por cento dos cales 13,6 por cento é indixente, é dicir, non ten ingresos para afrontar gastos de alimentación básica.

A conclusión é clara: o modelo da soia fracasa polo seu impacto social, ambiental e económico a medio e longo prazo. Destrúe a agricultura familiar e empuxa aos traballadores rurais ás cidades.

 

Fonte: Marcela Valente IPS / International Press Service

Máis Información: www.proteger.org.ar

Nace a Coordinadora Europea de Vía Campesiña é froito do proceso iniciado pola Coordinadora Campesiña Europea (CPE) e a COAG que culminou o 27 de xuño na presentación pública da Coordinadora Europea en presenza de Josep Puxeu, o Secretario de Estado español de Medio Rural e Auga.

O obxectivo principal desta organización é a loita por outras políticas agrícolas e alimentarias máis lexítimas, máis xustas, máis solidarias e máis sostibles que son necesarias en Europa para responder aos desafíos de seguridade alimentaria, de saúde pública, de emprego no medio rural e para enfrontar a crise global dos prezos alimentarios e do cambio climático.

 

Web de Via Campesina