Comercio Xusto

As vendas de produtos de Comercio Xusto chegaron aos 5,4 millóns de euros en 2008
Os consumidores de todo o mundo gastáronse o ano pasado máis de 2.800 millóns de euros en produtos certificados co Selo FAIRTRADE-Comercio Xusto. Isto representa un crecemento do 22% con respecto ao ano 2007. En España, onde os produtos co Selo empezaron a comercializarse no ano 2005, as vendas sumaron algo máis de 5,4 millóns de euros, 40% máis que o ano anterior. A metade delas corresponden ao café, que aumenta as súas vendas nun 14%.

Descárgate PDF da memoria en www.sellocomerciojusto.org

 

Esta información e outra, recóllense na Memoria 2005-2008 que o Selo FAIRTRADE-Comercio Xusto presentou o pasado 4 de xuño nun almorzo/rolda de prensa cos medios de comunicación. Este documento ofrece información da asociación desde os seus inicios, en 2005, e inclúe un resumo de información xeral sobre o comercio xusto e a certificación. Amosa, asemade, cifras, gráficos de vendas en euros e por volume, e cifras de gastos e ingresos da asociación. Finalmente, ofrece información das actividades e proxectos da asociación durante estes tres anos.